Қазақстан бокс федерациясының басшысы ретінде мен Белградта өткен әлем чемпионатында еліміздің намысын қорғаған спортшылармен кездестім.
Естеріңізге сала кетейік, біздің жігіттер медальдық есепте кубалықтарға ғана есе жіберіп, екінші орынды иеленді. Кездесу барысында спортшылар, жаттықтырушылар және команданың қалған мүшелері Қазақстан ҰОК мен Бокс федерациясынан ақшалай сыйлықтарға ие болды.
70 мың доллардан Сәкен Бибосынов және Теміртас Жүсіпов алды. 50 мың доллар сыйлық Махмұд Сабырханға және Серік Теміржановқа берілді. Абылайхан Жүсіпов 30 мың доллар алды.
Сондай-ақ, жаттықтырушыларға сыйлықтар жеңімпаздар мен жүлдегерлерге берілді. Медальсыз қалған боксшылар 800 мың теңгеден сыйлықтар алды. Массажшы, бас дәрігер, команданың ғылыми қызметкері де марапатсыз қалмады.
Бізде әрдайым ұрпақтар сабақтастығы болған. Біз алға қойған міндетті орындап, қазақстандық жанкүйерлердің үмітін ақтадық деп есептеймін.
Боксшыларымызды әлем чемпионатындағы табысты өнерімен құттықтаймын!
